Pas shuarjes së zjarrit që ndodhi ditën e djeshme në fshatin Panaja, një tjetër vatër e re zjarri ka nisur në fshatin Zvërnec të Vlorës.
Sipas burimeve nga Gijotina.com, raportohet se flakët kanë filluar të përhapen me shpejtësi, jo vetëm duke rrezikuar djegien e pemëve dhe bimësisë, por edhe banesave të cilat ndodhen rrotull.
Siç mund të shikohet edhe në foton e siguruar nga gazetarët, i gjithë vendi është mbuluar nga tymi duke e bërë terrenin akoma më të vështirë për shuarjen e flakëve, të cilat janë të favorizuara nga erërat e forta.
Zjarri dyshohet të jetë i qëllimshëm, ndërsa në vendngjarje mësohet të ketë mbërritur një zjarrfikëse për normalizimin e situatës.
Pranë vatrës ndodhet edhe një kabinë elektrike, energjia në të cilën është stakuar që të mos ketë pasoja.
