Vlora përmbytet, kryetari blen kamera të reja. Ndërsa rreziku afron pas çdo përkeqësimi të motit, kryebashkiaku nuk ka menduar fare për këtë pjesë. Ermal Dredha firmos tendera qindra milionë lekësh për drita, kamera, fasada, bojëra dhe pemë. Si nuk ka një këshill bashkiak që t’i thojë ta ndryshojë buxhetin dhe t’i çojë lekët për atë që ka nevojë Vlora, për kanalizime, puseta, pompa hidrovori, personel, gjithçka që qyteti të mos të jetë në mëshirën e motit.
Por kryetari ka vendosur të blejë kamera për t’i vendosur në rrugët e qyteti. Mos i duhen pamjet në kohë reale të përmbytjes, kur reshjet të vërshojnë?!
Më datë 12 nëntor 2024, Bashkia Vlorë ka shpallur tenderin që ka si objekt “Blerje dhe vendosje e kamerave për qytetin”. Vlera që do të shpenzohet është rreth 240 milionë lekë!
Planet e kryebashiakut janë që procedurat të mbyllen më datë 2 dhjetor 2024 duke gostitur me “bonusin” e tenderit kompaninë që favorizohet. Por procedura është pezulluar. Tenderi është denoncuar në KPP. Firma RATECH ka dorëzuar ankesën më datë 18 nëntor 2024 në KPP, ku pretendon se tenderi ka kritere diskriminuese.
“Pas këqyrjes me imtësi të kushteve dhe kritereve për kualifikimin në këtë procedurë prokurimi, të argumentuara në procesverbalin e ngarkuar në portalin e prokurimi publik SEP të APP, nën emërtimin Procesverbal Argumentimi, gjykojmë se AK ka vendosur në mënyrë të gabuar disa kritere dhe specifikime teknike, të cilat RATECH sh.p.k., i gjykon si të panevojshme, jo proporcionale dhe që kufizojnë konkurrencën e lirë në procedurat e prokurimit publik, duke vendosur ndalime dhe kufizime të pambështetura në legjislacionin shqiptar”, thuhet në ankesë, duke pretenduar se është favorizuar një operator specifik.
Në përfundim në ankesë shtohet se “duke qenë të paqartë, konfuz dhe në kushtet kur një kërkese e tillë bie ndesh me legjislacionin e prokurimit publik, por edhe me legjislacionin që rregullon dhe mbikëqyr tregun dhe qarkullimin civil të mallrave në Republikën e Shqipërisë, po paraqesim këtë ankesë”.
Duke parë se tenderi qenka i paracaktuar, kuptojmë pse nuk i ndryshon planet buxhetore bashkia Vlorë. Shpresojmë që KPP së paku ta ngadalësojë aksionin e kryetar Ermalit që po i bën paratë e bashkisë rrush e kumbulla.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post