Denoncime të shumta kanë lidhur mungesën e ujit në qytetin bregdetar dhe turistik të Vlorës.
Sipas qytetarëve të shumtë, qyteti i Vlorës ndodhet prej më shumë se dy javësh në një krizë të rëndë uji, duke goditur jo vetëm jetesën e banorëve, por edhe sezonin turistik që sapo ka nisur.
Në lagje të ndryshme të qytetit, furnizimi me ujë mungon totalisht ose vjen për vetëm 20 minuta në ditë, duke e bërë të pamundur përballimin e temperaturave të larta dhe nevojave bazë të përditshme.
Mësohet se ka pasur ndërprerje në furnizimin me ujë si pasojë e stakimeve të energjisë elektrike në zonat ku ndodhen stacionet e ujësjellësit, si dhe për shkak të një avarie në një nga stacionet kryesore, konkretisht stacionit Nr.4, një një kohë kur sezoni turistik tashmë ka nisur.
Banorët raportojnë se punimet për kanalizime të reja kanë lënë pas rrugë të shkatërruara, pluhur e pisllëk, por asnjë sinjal për rikthimin e furnizimit me ujë në shtëpi.
Ata shprehen të dëshpëruar nga mungesa e transparencës dhe komunikimit nga institucionet vendore, duke përfshirë edhe kryetarin e bashkisë, i cili nuk u përgjigjet thirrjeve dhe, sipas denoncimeve, fshin komentet që i bëhen në rrjetet sociale.
Ndërkohë që Vlora duhej të priste turistë dhe të ishte në kulmin e gjallërisë verore, shumë biznese janë në kufijtë e falimentimit dhe banorët mendojnë të largohen nga shtëpitë për të gjetur kushte minimale jetese. Situata është bërë e papërballueshme dhe qytetarët kërkojnë zgjidhje urgjente.
Denoncimet e publikuara nga JOQ:
Denoncimi 1: “Jam banore e qytetit te Vlores. Është çmenduri qe prej 10 ditësh nuk kemi ujë .Ne Kulmin e sezonit turistik”
Denoncimi 2: “U be me shume se një muaj qyteti i Vlorës nuk ka ujë. Kane ber kanalizimet e reja dhe nuk kane sjell ujë ne shtëpi. Mire rrugët i kane len cope siç vendosen tubot, pluhur e pisllëk kudo po nuk kemi as uje te përballojmë vapën. Nuk te kthen përgjigje askush kudo te drejtohesh dhe vet kryebashkiaku i fshin komentet qe i behen neper video dhe as pergjigje nuk te kthen. Uroj te zgjidhet sa me shpejt se jemi ne kulm sezoni edhe vere. Kemi detin afer e s’vemi dot se nuk kemi me çfarë lahemi”
Denoncimi 3: “Si jeni Dua te bej nje ankese. Vlora turistike vajti 2 jave pa uje vjen vetem 20 minuta Jo bizneset po falimentojnë po jemi ber te ikim nga shtëpia dhe ne qe jetojme ketu I kemi telefonuar Kryetarit te bashkisë. Ujësjellësi i Vlorës nuk hap tel As inxhinierët“
Discussion about this post