Vlorë, 44-vjeçarit në doganë i sekuestrohen 30 mijë euro

Një sasi prej 30 000 euro është sekuestruar nga policia e Vlorës në port, që ka proceduar në gjendje të lirë një person.

“Në hyrje të RSh-së, është kaluar në vijën e dytë, për kontroll të detajuar, automjeti tip ‘Toyota’, me drejtues shtetasin M. A.. Nga kontrollet, në kroskotin e këtij automjeti u gjetën 30 000 euro, të cilat shtetasi M. A. tentonte t’i fuste në Shqipëri, pa i deklaruar konform ligjeve në fuqi”, njoftoi policia.

Për 44-vjeçarin, banues në Vlorë nisi procedimi për veprën penale “Mosdeklarimi në kufi i të hollave dhe i sendeve me vlerë”, ndërsa sasia e parave u sekuestrua.