Aksident në Lumin e Vlorës! Makina del nga rruga, plagosen pesë persona dhe mes tyre një 12 vjeçar

Sipas informacioneve paraprake, një automjet ka humbur kontrollin dhe ka dalë nga rruga, duke u përmbysur jashtë saj. Si pasojë e aksidentit dyshohet se kanë mbetur të plagosur katër persona, mes tyre edhe dy fëmijë.

Sipas të dhënave paraprake, automjeti tip “Citroen” i drejtuar nga shtetasi Viktor Kananaj ka humbur kontrollin dhe ka dalë nga rruga.

Menjëherë pas ngjarjes, në vendin e aksidentit kanë mbërritur forcat e policisë dhe shërbimet mjekësore, të cilat kanë dhënë ndihmën e parë dhe kanë transportuar të plagosurit drejt spitalit për trajtim të mëtejshëm.

Ende nuk dihen shkaqet e aksidentit, ndërsa grupi hetimor po punon për zbardhjen e plotë të rrethanave të ngjarjes.