Një makinë është djegur mbrëmjen e së dielës në një garazh në Vlorë, në zonën e Plazhit të Vjetër. Makina është në pronësi të Anjeza Shikos, drejtoresha e Tatim-Taksave në bashkinë e Vlorës.
Dyshohet se zjarrvënia është e qëllimshme.
Policia konfirmoi se disa persona janë shoqëruar.
“Mbrëmjen e djeshme, në lagjen ‘1 Maji’, Vlorë, ka rënë zjarr dhe është djegur një automjet tip ‘Volkswagen’, në pronësi të shtetases A. Sh., banuese në Vlorë (funksionare e bashkisë Vlorë). Shërbimet e Policisë kanë shoqëruar në Komisariat, disa shtetas të dyshuar lidhur me ngjarjen. Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit”, njoftoi policia.
Discussion about this post