Një aksident është regjistruar mbrëmjen e sotme në Vlorë, ku si pasojë ka mbetur i plagosur një këmbësor.
Sipas informacioneve paraprake nga Policia e Vlorës, aksidenti ndodhi në orën 19:15, në vendin e quajtur Ura e Gjormit, ku një automjet, me drejtues shtetasin S. G., 30 vjeç, ka aksidentuar këmbësorin me iniciale R. S, 34 vjeç.
I plagosur është dërguar në spitalin e Vlorës, ku ndodhet nën kujdesin e mjekëve. Drejtuesi i mjetit është shoqëruar në Komisariatin e Policisë Vlorë.
Në vendngjarje ndodhet grupi hetimor dhe po punon për zbardhjen e plotë të aksidentit.
