Një automjet është përfshirë nga flakët mëngjesin e sotëm në lagjen Partizani në Vlorë. Burime për Gijotina.com, bëjnë me dije se automjeti tip “Reno” ndodhej në oborrin e banesës së I. H., 30 vjeç, ndërsa ishte në pronësi të një gruaje.
Mësohet se, zjarrvënia të ketë qenë e qëllimshme pasi automjeti ka qenë i parkuar dhe i fikur. Ende nuk ka asnjë informacion zyrtar nga policia për identitetin e autorëve.
Ndërkohë, në vendngjarje ndodhet policia dhe forcat zjarrfikëse, pasi automjeti është djegur plotësisht.
Discussion about this post