Policia e Vlorës ka arrestuar 59-vjeçarin, Pilo Sevi për ngjarjen e ndodhur një ditë më parë, ku u plagos Ferdinant Petriti, 57 vjeç. Sevi goditi me thikë 57-vjeçarin, pas një konflikti për motive të dobëta në lagjen “Pavarësia”.
59-vjeçar akuzohet për veprën penale “Vrasja me dashje” mbetur në tentativë
Njoftimi i policisë:
Specialistët për Hetimin e Krimeve në Komisariatin e Policisë Vlorë arrestuan në flagrancë, për veprën penale “Vrasja me dashje” mbetur në tentativë, shtetasin P. S., 59 vjeç, banues në Vlorë, pasi ditën e djeshme, në lagjen “Pavarësia”, gjatë një konflikti të çastit për motive të dobëta, ka goditur me mjet prerës (thikë) shtetasin F. P., 57 vjeç, banues në Vlorë, i cili ndodhet në spital, nën kujdesin e mjekëve.
Materialet u referuan Prokurorisë, për veprime të mëtejshme.
