Para pak ditësh, mesfushori italian i PSG-së, Marco Verratti ishte duke kaluar pushimet me gruan e tij në Ibiza.
Verratti u grabit nga disa persona të maskuar, ku ata i vodhën një pjesë të mirë të bizhuterive të cilat kapnin vlerën e 3 milionë euro.
Sipas raportimeve, janë arrestuar gjashtë persona, ku mësohet se katër janë me kombësi shqiptare, një është spanjoll dhe një nga Rumania.
Mediat në vend, duke cituar burime raportojnë se katër arrestime janë bërë në Malaga dhe dy të tjerë në Denia.
Të njëjtat burime kanë bërë të ditur se një pjesë e rëndësishme e asaj që është vjedhur është gjetur në shtëpinë që ndodhet në zonën Cala Jondal, në komunën Sant Josep de Ibiza, në pronësi të ish-futbollistit.
Denoncimi për grabitjen është bërë në Gardën Civile.
Discussion about this post