Vodhën dyqanin me ushqime, arrestohen 2 persona në Shkodër

Policia e Shkodrës ka vendosur në pranga 2 shtetas, S. Q., 27 vjeç dhe A. Q., 31 vjeç, pasi dyshohet se kanë vjedhur ushqime në dyqanin në pronësi të shtetasit B. B., 61 vjeç, banues në lagjen “Liria”, Shkodër.

Po në datën 27.03.2022, shtetasit S. Q. dhe A. Q. kanë kanosur shtetasin B. B., si dhe i kanë dëmtuar me sende të forta pajisjet në dyqan.

Ata u arrestuan për veprat penale “Vjedhja”, “Shkatërrimi i pronës me mjete të tjera” dhe “Kanosja”, të kryera në bashkëpunim.

Po ashtu specialistët për Hetimin e Krimit në Komisariatin e Policisë Vau i Dejës proceduan penalisht shtetasin K. G., 61 vjeç, banues në fshatin Kosmaç, Vau i Dejës, për veprën penale “Ndotja e ajrit”, pasi është konstatuar duke djegur disa goma makinash në tokën në pronësi të tij.

Materialet iu referuan Prokurorisë, për veprime të mëtejshme.