Dy persona janë arrestuar pasi dyshohet se kanë vjedhur një kasafortë me 15 000 euro nga një banesë në rrugën “Muhamet Gjollesha” në kryeqytet, më datë 2 qershor 2025.
Në pranga kanë rënë 40-vjeçari Arbnor Xhimaj, dhe 38-vjeçari Lejdjan Gjoka, të dy banues në Vlorë, të dënuar më parë për vjedhje. Sipas hetimeve, njëri prej tyre, Arbnor Xhimaj, ndodhej në masë sigurie “arrest në shtëpi” pikërisht për këtë vepër penale, në momentin kur ka ndodhur ngjarja.
Autoritetet kanë sekuestruar edhe automjetin e dyshuar që është përdorur për kryerjen e vjedhjes. Arrestimet u kryen pas hetimeve të nisura nga kallëzimi i banorit të dëmtuar.
Materialet i janë referuar Prokurorisë për veprime të mëtejshme ligjore.
Discussion about this post