Policia e Korçës ka arrestuar 2 adoleshentë të cilët kanë vjedhur 3 kisha përgjatë këtyre ditëve. Sipas policisë, këta persona kanë vjedhur në kishën e fshatit Ravonik 5000 lekë dhe një kasafortë metalike, në kishën e fshatit Porodinë 1500 lekë, si edhe kanë tentuar të vjedhin një objekt kulti në rrugën Polenë-Dërsnik. Në kontrollet e bëra, janë gjetur disa prova të cilat konfirmojnë se vjedhjet janë bërë prej tyre. Për sa i përket autorëve, bëhet fjalë për A.S., 17 vjeç i cili ka qenë i dënuar më para për vjedhje dhe D.S., 16 vjeç, të dy janë banues në fshatin Goskovë të Korçës.
