Policia e Durrësit ka vënë në pranga dy persona. Mësohet se arrestimi i tyre është bërë në kuadër të operacionit të koduar policor “Spots” me qëllim goditjen e veprimtarisë kriminale në fushën e vjedhjes së pasurisë dhe pronës.
Puna për operacionin ka nisur pas kallëzimit nga përfaqësuesi i një kompanie, për vjedhjen e materialeve të ndërtimit, nga magazinieri i kompanisë.
Kështu, nga hetimet rezulton se 32-vjeçari Osman Alla ka shpërdoruar detyrën si magazinier i kompanisë për prodhimin e materialeve të ndërtimit dhe në bashkëpunim me 62-vjeçarin Rexhep Kaca, pronar i një subjekti tregtar që furnizohej me materiale ndërtimi nga kjo kompani, kanë vjedhur disa herë, gjatë muajit nëntor, materiale të ndryshme ndërtimi, nga kompania.
Në cilësinë e provës materiale u sekuestruan 54 thasë me materiale ndërtimi që dyshohet se janë vjedhur prej tyre. Magazinieri dhe pronari i dyqanit akuzohen për veprat penale “Vjedhja” dhe “Vjedhja e kryer duke shpërdoruar detyrën”.
Discussion about this post