Policia ka shoqëruar dy të rinj, të cilët akuzohen për vjedhjen e një mjeti në Vlorë. Automjeti është vjedhur ditën e sotme në afërsi të “Plazhit të Ri” në Vlorë.
Autoritetet kanë nisur hetimet për të gjetur rolin që kanë pasur dy të rinjtë në vjedhjen e makinës.
“Vodhën një automjet në Plazhin e Ri në Vlorë, reagimi në kohë i policisë, bëri të mundur bllokimin pas disa minutash të automjetit të vjedhur.
Policia shoqëroi një 22-vjeçar që ishte në timon dhe një 18-vjeçar që ishte pasagjer në automjetin e vjedhur.
Policia morri njoftim për vjedhjen e një mjeti në pronësi të shtetasit S. G., në afërsi të “Plazh i Ri”, Vlorë.
Shërbimet e Komisariatit të Policisë Vlorë dhe forcat Shqiponja falë reagimit në kohë, pas disa minutash kërkime bënë të mundur bllokimin e automjetit, në të cilin drejtues mjeti ishte shtetasi 22 vjeç dhe pasagjer shtetasi A. L., 18 vjeç.
Grupi hetimor po vijon punën për zbardhjen e plotë të rrethanave të ngjarjes”, njofton policia.
Discussion about this post