SPAK ka kërkuar 11 vite e 4 muaj burg për Bardh Hotin (Fatbardh Hoti, Fatbardh Daci), i akuzuar se vodhi 150 mijë euro në Francë. Hoti u arrestua gjatë operacionit “Aquila 2019” në maj të vitit 2019, si pjesë një grupi që vodhën më shumë se 60 banesa në Francë.
Bashkë me Hotin u arrestuan edhe shtatë shqiptarë të akuzuar për vjedhje me forcë të rreth 70 apartamenteve në Nancy të Francës përgjatë tre muajve të fundit të vitit 2018. Ata akuzohen për kryerjen e veprave penale të “vjedhjes”, “pastrimi i produkteve të veprës penale” dhe “grupi i strukturuar kriminal.
Sipas policisë vlera e sendeve të vjedhura në grup kapte vlerën e 300 mijë eurove, duke përfshirë këtu bizhuteri, sende me vlerë dhe para cash. Grupi i shqiptarëve ra në gjurmë të autoriteteve policore, pasi kishin nisur hetimet për vjedhje në seri të kryera në rajonin e Nansy-t, në Francë, por edhe në Belgjikë e Itali.
Discussion about this post