Në Shkodër vijon ende puna për kapjen e personave të shpallur në kërkim për vepra të ndryshme penale.
Një prej autorëve të një grabitjeje të ndodhur 5 muaj më parë në Shkodër është arrestuar nga Policia.
Në pranga ka rënë një 18-vjeçar ndërkohë në kërkim është shpallur bashkëpunëtori i tij.
Më 2 prill të këtij viti në fshatin Drisht, 18-vjeçari A.C, bashkë me bashkëpunëtorin e tij D.Sh, vodhën dyqanin e shtetases Y.C.
Nën kërcënimin e armës ata i vodhën një shumë parash në dyqan.
Shtetasi D.Sh., është shpallur në kërkim dhe vijon puna për kapjen e tij.
Materialet iu referuan Prokurorisë Pranë Gjykatës së Shkallës së Parë Shkodër për veprime të mëtejshme.
