Vodhën pensionet e të moshuarve, arrestohen dy punonjësit e postës (EMRAT)

Policia e Divjakës ka vendosur në pranga 2 punonjës të Zyrës Postare.

Mësohet se Endri Llazi, 25 vjeç, me detyrë përgjegjës i Zyrës Postare Divjakë dhe Gëzim Murrizi, 56 vjeç, me detyrë punonjës shërbimesh në Zyrën Postare Divjakë, kanë vjedhur lekët e pensioneve të qytetarëve.

Nga veprimet hetimore dyshohet se këta shtetas, në bashkëpunim me njëri-tjetrin, duke shpërdoruar detyrën, kanë vjedhur 270.000 lekë të rinj nga pensionet mujore të qytetarëve të Divjakës.

Materialet procedurale i kaluan Prokurorisë, për veprime të mëtejshme procedurale.