Një 33-vjeçar është arrestuar nga policia në Shkodër, pasi akuzohet se është futur me forcë brenda një banese dhe ka vjedhur para, bizhuteri dhe sende me vlerë.
U bë me dije se në prangat e policisë ka rënë 33-vjeçari Besard Hasani, i cili raportohet se ka hyrë brenda banesës së 25-vjeçarit me iniciale E. N., gjatë kohës kur nuk kishte njëri në shtëpi.
“Nga veprimet hetimore, dyshohet se ky shtetas, gjatë kohës kur nuk kishte njëri në shtëpi ka hyrë në banesën e shtetasit E. N., ku dyshohet se ka vjedhur një sasi eurosh, disa bizhuteri, një televizor dhe sende të ndryshme, një pjesë e të cilave u gjetën gjatë kontrollit të banesës së 34-vjeçarit dhe u sekuestruan në cilësinë e provës materiale së bashku me dy celularë dhe me automjetin”, raporton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Discussion about this post