Vodhi send me vlerë në objekt kulti, arrestohet 36-vjeçari

Policia e Elbasanit arrestoi 36-vjeçarin Adnand Bajrami, pasi akuzohet se ka vjedhur sende me vlerë brenda një objekti kulti.

Sipas policisë ky shtetas u kap në flagrancë teksa po tentonte të vidhte në një magazinë, në fshatin Labinot.

Nga hetimet ka rezultuar se 36 vjeçari është autor i vjedhjes së një sendi me vlerë, në një objekt kulti, në qytetin e Elbasanit, vjedhje e dyshuar e kryer më datë 24.12.2022, por e denoncuar në Policinë e Elbasanit, më datë 04.08.2023, nga një përfaqësues i këtij objekti kulti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme