Dream Kardashian mbushi pesë vjeç të mërkurën. Fëmija, emri i plotë i së cilës është Dream Renée Kardashian, është vajza e Robert Kardashian dhe modelit të Instagramit Blac Chyna. Kris Jenner ishte e para që e uroi vogëlushen teksa ndau një postim të ëmbël në rrjetet sociale me disa foto të saj.
Në shtator u raportua se Rob është shumë i lidhur me vajzën e tij. 34-vjeçari vazhdon të jetë kryesisht i fokusuar në rritjen e fëmijës së tij dhe të jetë pjesë e të gjithë vendimmarrjes kur bëhet fjalë për mirëqenien e saj. Një burim tha:
“Rob ka punuar në disa projekte argëtuese dhe është me të vërtetë i fokusuar kryesisht te Dream. Ai është shumë i përfshirë si baba. Ai është padyshim një nga ata baballarë që dëshiron të jetë pjesë e të gjithë vendimmarrjes dhe e do Dream me gjithë zemër.”
Burimi gjithashtu pohoi se ish-ylli i “Keeping Up with the Kardashians” po bën më të mirën e mundshme për të qëndruar i shëndetshëm për hir të vajzës së tij, pasi më parë kishte një mënyrë jetese jo të shëndetshme.
Discussion about this post