Me debatet plotë sarkazëm dhe kritika është shoqëruar në çdo komision çështja e hapjes së Akademisë për Barinjtë. Edhe ditën e sotme opozita nuk i ka kursyer ironitë në Komisionin e Shëndetësisë, kur në diskutime e sipër kanë plasur të qeshurat, pasi kryetarja e komisionit Albana Vokshi pyet ministren e Shtetit për Rininë dhe Fëmijët, Bora Muzhaqin, në lidhje me hartimin e kurrikulës së akademisë së barinjve.
Vokshi ka thelluar edhe më tej “talljen” e saj duke e pyetur ministren se ca niveli i KÇK-së do jetë akademia. “Për akademinë e barinjve kush do e hartojë kurrikulën? Në cilin nivel të KÇK-së do jenë? Po aman tani, kemi ministren një pyetje po i bëj meqë është këtu. Kush do të jenë studentët e kësaj akademije e barinjve? Të lutem, po pyes. E di që mund të mos e di, por ta kthejë me shkrim. E kam shumë serioze. S’qenka serioze se kush do hartojë kurrikulën e akademisë së barinjve”, tha Vokshi.
Ndërsa, asnjëri nga anëtarët nuk e mbajti dot të qeshurën, Muzhaqi kërkoi më shumë seriozitet për këtë çështje.
Discussion about this post