Deputetja e PD Albana Vokshi, në një deklaratë për media nga Gjykata e Posaçme ku kishte seancën e parë gjyqësore pas padisë që ka bërë ndaj saj ministrja e Arsimit Evis Kushi, ka kërkuar që ajo të japë dorëheqjen.
Vokshi ka akuzuar ministren Kushi dhe kryeministrin Edi Rama se e kanë kthyer arsimin në celulë të PS, ndërsa shton se sipas saj arsimi sot gjendet në pikë alarmante.
“Sot isha në një seancë gjyqësore për një padi të ministres Evis Kushi për denoncimet që unë kam bërë për nxjerrjen e tezave të testit të vlerësuesve të arsimit parauniversitar. Ishte seanca pajtuese por për çudi ministrja nuk ndodhej. Unë kisha me vete provat dhe faktet por dhe pse jo pasojat për vendimin apo keqmenaxhimin e proceseve në ministrinë e Arsimit. I kërkova gjykatës që të thirrej në seancë ministrja Kushi për t’ia paraqitur dhe asaj në prezencë faktet provat, që do vijoj ti denoncoj. Ministrja sa kohë harxhon në gjyqe duke bërë të pafajshmen do ishte në nderin e moralin e saj nëse ka ndopak fije përgjegjësi e morale të kishte dhënë dorëheqjen për ti hapur rrugë hetimit administrativ për atë që ka ndodhur. Arsimi sot gjendet në një pikë alarmante. Janë 208 mijë nxënës e studentë të larguar nga arsimi se ministrja Kushi dhe Edi Rama e kanë kthyer arsimin në celulë të PS dhe kanë keqmenaxhuar politikat arsimore”, tha Vokshi.
Discussion about this post