Deputetja Albana Vokshi ka folur pas përfundimit të mbledhjes së grupit parlamentar të Partisë Demokratike. Vokshi ka deklaruar se kreu demokrat, Lulzim Basha nuk u ka lënë mundësi të debatonin duke mbyllur mbledhjen.
“Kryetari nuk na dha mundësi të debatonim, mbylli mbledhjen. Distancohem nga deklaratat e Bashës një ditë më parë, nuk përfaqësojnë Partinë Demokratike”, është shprehur ajo.
Një ditë më parë, Basha iu përgjigj akuzave të ish-kryeministrit Sali Berisha gjatë “Foltores” në Tiranë, duke thënë se koha e tij ka mbaruar dhe se nuk do të lejojë askënd që të përdorë PD-në dhe forumet e saj për interesat personale.
Edhe më herët, Basha ka qëndruar i prerë në deklaratat e tij, duke thënë se nuk do lejojë mbledhjen e Kuvendin Kombëtar të PD, parashikuar të mbahet më 11 dhjetor.
Discussion about this post