Deputeja e PD-së, Albana Vokshi, ka hedhur akuza në drejtim të Kryeministrit Edi Rama, kryeparlamentares Lindita Nikolli dhe deputetëve socialistë, lidhur me provokime ndaj opozitës, që ccojnë më pas në tensionet në seancat plenare apo mbledhjet e Komisioneve.
E duke iu referuar asaj që ndodhi në Komisionin e Etikës, ku u përjashtuan nga punimet e Parlamentit 6 deputetë të PD-së, 5 prej të cilëve 10 ditë dhe tjetri vetëm 3 ditë, Vokshi tha në Task Force, se ne nuk jemi në një juntë ushtarake që të vijë garda dhe të jetë prezent kur zhvillohen seancat plenare.
“Në mbledhjen e Komisionit të Etikës , garda nuk lejoi deputetët që të hynin në sallë.
Garda ishte njoftuar me urgjencë në minutën e fundit pasi morën vesh që do ishim prezent deputetët e opozitës që kërkonin ti përjashtonin dhe garda ishte pa uniforma dhe ishin vendosur para dyerve të komisionit.
Deputetët e tjerë të grupit parlamentar ishin prezent sepse çdo deputet ka të drejtë të jetë në çdo mbledhje të çdo komisioni në parlament.
Ne kërkuam që garda të dilte përjashta dhe me kërkesën tonë ishte që të futeshe media, pse duhen bërë mbledhjet si në kohën e Enver Hoxhës si në kohën e diktaturës pa media pa e marrë vesh publiku.
Kjo është në interes të publikut, çdo qytetar ka të drejtë të dijë se çfarë ndodh brenda komisioneve parlamentare”, tha Vokshi.
Discussion about this post