Kryetarja e bashkisë së Shkodrës, Voltana Ademi ka folur mbi mbledhjen e Kuvendit Kombëtar të Partisë Demokratike, që pritet të mbahet me 11 nëntor.Për Ademin çdo diskutim konstruktiv dhe analizë është e mirëpritur, ndaj dhe kjo mbledhje e Kuvendit Kombëtar është i vlefshëm.
Ndonëse shprehu këtë qasje, kur foltorja e Berishës ishte në Shkodër, teatri “Migjeni” nuk iu vu në dispozicion, por për këtë Ademi argumentoi se këshilli i bashkisë së Shkodrës ka marrë një vendim që në 2016-ën, që tetari është tempull i artistëve ndaj asnjë aktivitet politik nuk do të lejohet të mbahet aty, vendim të cilin Ademi ka zgjedhur ta respektojë edhe sikur aktiviteti politik të mbahej nga Lulzim Basha.
“Nuk është problemi i teatrit, ka marrë një vendim këshilli i bashkisë së Shkdorës, që në vitin 2016, që është teatri tempulli i artistëve, asnjë nga autoritetet politike, përfaqësues të partive nuk ka mundur më pas. Është një vendim që e kam respektuar.”
Pyetur mbi situatën aktuale të Partisë Demokratike, kryetarja e bashkisë Shkodër, pranoi se ka një krizë brenda partisë e cila duhet të shërbeje si reflektim për demokratët, pasi sipas saj situata e krijuar mes Bashës dhe Berishës po banalizohet.
“Unë nuk kam pasur mundësi të shprehem se në familje kam pasur disa probleme. Unë gjykoj që situata ka një krizë, ekziston, askush mos bëjë sikur nuk e sheh, duhet të jetë reflektim për të gjithë. Diskutimi duhet të shkojë përtej Bashës dhe Berishës. Në këtë nivel banalizohet.”
Për Ademin diskutimi është i vonuar, ndaj pasojat e kompromiseve në heshtje po vuhen sot.
“Mendoj se diskutimi është i munguar dhe vonuar, Kompromise që kanë ndodhur në heshtje, po përfshij edhe veten, mendoj se është një penalitet që po e vuajmë sot.”
Discussion about this post