Ish-kryetarja e Bashkisë së Shkodrës, Voltana Ademi ka mbërritur në Kuvendin e Partisë Demokratike të thirrur nga Komisioni i Rithemelimit, nga ku dha një deklaratë të shkurtër për mediat.
Para gazetarëve, Ademi e konsideroi procesin të ligjshëm, ndërsa pati dhe një mesazh bashkëpunimi, duke thënë se askush nuk duhet të lihet jashtë, madje as ata që nuk bashkuar në këtë Kuvend.
“Ditë me emocion, proces që po vijon. Fakti që po vijon përmes një gjithëpërfshirje është shumë e rëndësishme, përfshirja e shumë të tjerëve që nuk janë bashkuar, është angazhim i joni për ti bashkuar. Kemi nevojë të ringrihemi shpejt. Procesi i tillë, i bazuar në atë që është i ligjshëm, është një mundësi që ne na jepet”, tha Ademi.
Komisioni i Rithemelimit mbledh sot Kuvendin Kombëtar të Partisë Demokratike në Pallatin e Kongreseve, ku pritet të marrin pjesë 1800 delegatë të cilët do të zgjedhin Këshillin e ri Kombëtar.
Discussion about this post