Bashkia Shkodër, e drejtuara nga Voltana Ademi, ka vendosur të shpenzojë 12 milionë lekë për një shërbim që realiteti tregon se nuk shfrytëzohet. Konkretisht bëhet fjalë për blerjen e ushqimeve për çerdhet dhe kopshtet. Sigurisht është një gjë e mirë që bashkia mendon q t’u sigurojë fëmijëve ushqime, pro denoncimet të shumta shpesh herë kanë treguar se në këto institucione menuja është shumë e varfër dhe aspak e shëndetshme për fëmijët. Gjithsesi, kjo është vetëm njëra anë, pasi abuzimi me këtë projekt është edhe më i thellë dhe na tregon se ato para do shkojnë në xhepin e oligarkëve dhe jo të atyre që e meritojnë.
Drejtoria e Çerdheve dhe Kopshteve Shkodër ka hapur një tender 12 milionë lekë në 2 shkurt, por si duket nuk ka duruar gjatë dhe garën e ka mbyllur shpejt e shpejt, duke shpallur fituesin pa një garë të mirëfilltë. Pasi në dokumentet e publikuara evidentohet se për këtë tender ka paraqitur ofertë vetëm një kompani, SEAD-SGS” shpk dhe duke shkelur ligjin, autoriteti përgjegjës e ka shpallur fitues pa garë. Sikur të mos mjaftonte kjo kompania në fjalë ka paraqitur ofertë me vlerën sa fondi limit, pra 12.8 milionë lekë.
Kështu, ky tender është klasifikuar në projektet me “Flamur të kuq” pasi përbënë rrezik të lartë për korrupsion dhe cenon konkurrencën. Çka di të thotë se ky tender duhet të ishte anuluar që në fillim, por na mbetet të presim reagimin e Komisionit Publik të Prokurimit se si do veprojë me projekte të tilla abuzuese.
Discussion about this post