Kryebashkiakja e Shkodrës, Voltana Ademi, ka konfirmuar sot pjesëmarrjen në Kuvendin e 11 dhjetorit që është thirrur nga ish-kryeministri, Sali Berisha. Përmes një interviste televizive, Ademi u shpreh se Partia Demokratike ka probleme me demokracinë e brendshme. Sipas saj, për këtë duhet të ndërtohet një diskutim ku mund të flasin të gjithë dhe të japin mendimin e tyre.
“Unë e kam thënë edhe në studio që mbledhja është e vlefshme dhe e domosdoshme. Ne po vijmë mbi heshtjen e dakordësuar. Duke qenë kryetare e bashkisë datoj në PD që në vitin 1996. Nuk më kanë shteruar forcat për një demokraci të brendshme. Unë e di çfarë do të bëhet me 11 dhe në 18 do të presim. Unë do të jem në datën 11, 18 nuk e kam qartësuar. Mendoj se kemi probleme me demokracinë e brendshme. Kemi probleme me përfaqësimin dhe të ndërtojmë një diskutim ku të gjithë ne duhet të flasim. Nuk di nëse do ta arrij 11 apo 18”, tha Ademi. E pyetur nëse do t’i bashkohet demokratëve që duan shkarkimin e Bashës, Ademi tha se ajo gjë do të diskutohet në Kuvendin e 11 dhjetorit. E.H/gijotina.com
Discussion about this post