Presidentja e Komisionit Evropian, Ursula von der Leyen ka komentuar ndër të tjera, edhe situatën e tensionuar në veri të Kosovës. Gjatë konferencës së përbashkët me kryeministrin Albin Kurti, von der Leyen tha se negociatorët e Kosovës dhe Serbisë aktualisht ndodhen në Bruksel për të gjetur një kompromis.
“Së pari, çështjet që po i shohim aktualisht në kufi. Ndërkohë që ne jemi këtu, në Bruksel po zhvillohet takimi mes negociatorëve. Negociatorët shpresoj që kanë mandat për të negociuar. Jam thellësisht e bindur që duhet të shtensionohet situata dhe të vazhdohet me dialog”.
Presidentja foli gjithashtu dhe për çështjen e integrimit të vendeve të Ballkanit Perëndimor në BE, teksa tha se është mbështetëse e flaktë e zgjerimit.
“E di që ka padurim për të ecur përpara. Ta marrim këtë dhe ta vendosim në një konstrukt të punës për të ardhmen e rajonit. Përvoja ime është që nëse ndryshoni në mënyrë efektive, ju i afroheni ëndrrave. Jam mbështetëse e flaktë e zgjerimit”, tha presidentja e Komisionit Evropian. Ju vetë më keni thënë që Kosova është vend i sipërmarrësve dhe popull me shpirt sipërmarrës kështu që do të duhet të përfitohet këtu me krijimin e vendeve të punës që paguhen mirë. Ne dëshirojmë një të ardhme ku Kosova dhe i gjithë Ballkani do të jetë pjesë e BE-së. Këtë e dëshirojmë të gjithë. Mendoj që këtë ua kemi borxh fëmijëve që pamë sot”, tha ajo.
Sa i përket pandemisë, ajo tha se dëshiron të përshpejtohet procesi i vaksinimit në Kosovës dhe të arrihet një rimëkëmbje ekonomike afatgjate dhe e qëndrueshme.
