Shefja e komisionit të BE-së Ursula von der Leyen nga Ukraina në konferencën e përbashkët me presidentin ukrainas Vlodymyr Zelensky, ka folur për sanksionet, ku është shprehur se Evropa po bën çfarë ka në dorë për të penguar dhe shkatërruar “makinën e luftës së Putinit dhe të ardhurat e tij”.
Ajo është shprehur se vendosja e sanksioneve nga Evropa duket se po funksionojnë, ku ka theksuar se gjithashtu janë reduktuar edhe importet nga Rusia me gati dy të tretat.
Von der Leyen ndër të tjera ka theksuar rëndësinë e eksporteve të drithit nga Ukraina, duke thënë se “prioriteti i menjëhershëm” është që tranziti i drithit të shkojë pa probleme, me koston më të ulët të mundshme jashtë Ukrainës, drejt BE-së.
“Kjo kërkon bashkëpunim të ngushtë, kështu që do të ngrihet një platformë koordinimi, në mënyrë që të mund të marrim korsi solidariteti,” thotë ajo.
Ndër të tjera në fjalën e saj zyrtarja evropiane është shprehur se Ukraina po lufton për të krijuar “bashkim dhe paqe të qëndrueshme” dhe nuk duhet të harrojmë kurrë se paqja në Evropë dukej “e pamundur, e pamundur dhe shumë e largët për pjesën më të madhe të shekullit të kaluar“.
Discussion about this post