Punonjësit e Portit të Shëngjinit kanë dalë sot në protestë. Shkak për këtë janë bërë vonesat në paga dhe mosdhënia e shpërblimit sipas vendimit të qeverisë. Ata shprehen se nuk ka transparencë dhe nuk marrin përgjigje për situatën e krijuar, duke sjellë vështirësi. Punonjësit kërkojnë që të merren masa dhe të jepet zgjidhje dhe për punësimet fiktive në këtë vend.
Nga ana tjetër drejtori i Portit të Shëngjinit ka pranuar vështirësitë financiare duke shpjeguar se ka patur largime të kompanive që kanë operuar aty dhe janë në tratativa për t’i rikthyer. Sandër Marashi ka mohuar që ka punonjës që nuk vinë në punë, ndërsa sa i takon shpërblimit ka theksuart se i është bëtë kërkesë bordit mbikqyrës dhe po presin përgjigje.
Discussion about this post