Partia Demokratike ka bërë një tjetër denoncim për zgjedhjet në Vorë, duke pretenduar se janë shkelur rregullat e votimit pasi sipas PD ka raste të votimit familjar.
Selia blu ka publikuar fotot e denoncimit të rasteve në qendrën e votimit në fshatin Kuç, ku duken disa votues të cilët votojnë bashkë elektronikisht. Bëhet fjalë për qendrën e votimit 1554 në Kuç, ku sipas fotove të publikuara shihet se si po votohet familjarisht dhe ndërkohë vëzhguesi asiston votimin familjar.
Dita e sotme e votimeve për kryetar bashkie mund të konsiderohet e qetë, ndërsa ka pasur vetëm incidente të vogla, por votimi ka vijuar normalisht.
Discussion about this post