Vota e diasporës/ 207 936 kërkesa për regjistrime, vetëm 133 049 të miratuara

Numri i shtetasve shqiptarë të regjistruar në Platformën Elektronike të Regjistrimit (PER) që nga 11 janari, për të marrë pjesë në zgjedhjet parlamentare që do të mbahen me 11 maj, ka arritur shifrën 133 049 shtetas.

Shifrat janë bërë publike nga Komisioni Qendror i Zgjedhjeve, ndërsa aplikimi do të jetë i hapur deri në datën 4 mars.

Po sipas të dhënave të KQZ, ora (11:04) janë regjistruar 207 936 kërkesa, ndërsa janë shqyrtuar 205 874 të tilla.

Sipas të dhënave janë refuzuar 72 825 kërkesa, por këtu përfshihen edhe rastet kur një zgjedhësi aplikimi i është refuzuar më shumë se një herë.