Teksa ka mbajtur takimin e radhës në Fier, Ervin Salianji ka bërë edhe kritika ndaj lidershipit të opozitës, Sali Berisha, pasi sipas tij ata që janë motorri i opozitës përjashtohen.
Gjithashtu ai theksoi se kjo nuk ndodh në asnjë parti politike. Më tej nënvizoi se nëse dikush ka aftësitë të bashkojë opozitën të propozohet edhe për kryeministër.
“Në shumë degë, në Himarë ishte përjashtuar gjithë PD për të imponuar një kryetar dege siç e do lidershipi. Tentohet të bëhet bashkimi opozitës duke ulur nëpër tryeza njerëz qesharakë dhe nuk dëgjojnë demokratët…Nëse dikush e bashkon opozitën dhe tregon kredibilitett më të madh se lidershipi i PD , ta propozojmë të jetë kandidat për kryeministër të fitojmë zgjedhjet”, tha ai.
“Shqipëria nuk ka nevojë për më shumë propagandë, por për drejtësi; nuk ka nevojë për beton, por për shpresë. Nuk ka nevojë për pushtet, por për demokraci – Shqipëria dhe PD kanë nevojë për këtë,” tha Salianji.
Ai kritikoi vendimet e lidershipit të PD-së gjatë përpilimit të listave, duke theksuar se kontributet e demokratëve shpesh shpërfillen: “Si ka mundësi që për 4 vite jemi të gjithë bashkë, sakrificat i kemi bashkë, por kur vijnë zgjedhjet, lidershipi bunkerizohet dhe vendos listat duke përjashtuar ata që dalin të parët. Kjo ka ndodhur në Fier, Tiranë, Elbasan, Dibër dhe Kukës. Këto janë çudira që nuk duhet të ndodhin, sepse njerëzit dhe kontributet e tyre shpërfillen.”
Salianji shtoi se kjo situatë i shërben kryeministrit Edi Rama, i cili sipas tij preferon një status quo të dobët të opozitës: “Ne nuk kemi pushtetin e Rilindjes, as bandat që ka Edi Rama, por kemi mundësinë ta bëjmë partinë tonë si e kërkojnë demokratët. Sot PD po qëndron siç e do Rama, e mbyllur brenda fatkeqësisht nga lidershipi që thotë se zgjedhjet nuk fitohen.
“Shqipërinë e ndryshojnë demokratët”, kështu u shpreh Ervin Salianji në takimin e mbajtur me demokratët në Fier.
Gjatë fjalës së tij ai dha mesazhe të forta duke bërë thirrje për bashkim, duke mos kursyer edhe kritikat ndaj lidershipit të PD, Sali Berisha për të cilin tha se nuk është angazhuar për bashkimin e demokratëve.
“Anëtarësia e PD janë pasuria jonë më e madhe. Janë njerëzit që besojnë ende se Shqipëria mund të bëhet ndryshe. Unë besoj tek gjenerata e re dhe besimi po më shpërblehet. Ata duan garë të ndershme, meritë, dinjitet sepse ndryshimi gjeneracional nuk është biologji, por kulturë politike. Është kalimi nga individët tek parimet nga heshtja tek fjala e lirë. Ne nuk e mundin pushtetin duke pasur frikë nga gara. Ne e fitojmë Shqipëri me hapje ndaj brezit të ri që pret prej vitesh PD. PD duhet të jetë parti e garës, e normave dhe e shpresës sepse vetëm kështu mund të fitojmë besimin e qytetarëve. Ndryshimi është bashkim mbi parime. Ne jemi këtu për ta nderuat PD me kolona e themele më të forta. Jemi për të bashkuar edhe ato demokratë që po përjashtohen nga lidershipi”, tha ai.
gijotina.com/
Discussion about this post