Nënkryetarja e PD, Grida Duma, foli me tone të ashpra nga foltorja e Kuvendit, teksa në fokus ishte zgjatja e afateve të organeve të Vettingut. Sipas demokrates, lajm i mirë është që PD po e udhëheq situatën dhe se sot fillon çlirimi i madh i politikës.
“Pavarësisht sa bërtisni për formula, drejtësi në Shqipëri nuk ka dhe nuk është vendosur. Ju thoni të gjithë sepse ju ishit gati një dekadë pushtet. Padrejtësia që keni bërë ju është e ndëshkueshme me drejtësi. Dëgjova këtu dikë që fliste për Dibrën që tha e keni biznesmen kandidatin. E dini ju se duhet t’ja heqim kapelen biznesmenëve. Ju thoni sot se është lajm i mirë se s’keni ç’bëni se dikush tjetër ua ka vënë kokën në darë. Lajmi i mirë është që PD po e udhëheq tani situatën. Çlirimi i madh i politikës shqiptare fillon edhe nga këtu sot. Drejtësia është ajo që dallon njeriun nga kafsha. Pa drejtësi nuk ka as ekonomi, as mirëqenie, sepse te drejtësia kryqëzohen që të gjitha. E nisët reformën territoriale si një djallëzi elektorale, ku padrejtësisht një individ fermer në zonat turistike, u thoni se do të quhen të gjithë qytetarë. Ju e përdorët edhe socializmin port të realizuar glorifikimin e oligarkisë”, u shpreh Duma.
Ndër të tjera, Duma deklaroi se njeriu mund të kthehet në specien më të keqe, nëse nuk ka drejtësi ku akuzoi qeverinë sado bërtasin për formula e procedura, drejtësi në Shqipëri nuk ka.
Discussion about this post