Deputeti i Partisë Demokratike, Ervin Salianji tha se vota e PD pro zgjatjes së afateve të mandatit të vetingut është për interesin e Shqipërisë dhe integrimit të saj evropian. Në një prononcim për mediat jashtë Kuvendit, Salianji tha se të gjithë partnerët ndërkombëtar kanë kërkuar të votohet për interes të Shqipërisë me kontroll ndërkombëtar.
“Nuk i lëmë asnjë alibi PS, dëgjojmë thirrjen e partnerëve ndërkombëtar. Të gjithë partnerët kanë kërkuar të votohet për interes të Shqipërisë se votimi i vetingut po e quaj me kontroll ndërkombëtar e jo pa kontroll ndërkombëtar, siç e kërkon Edi Rama i hap rrugën Shqipërisë sa na takon ne duke dhënë votën për procesin e integrimit. Çdo hipokrizi tjetër, mos harrojmë në 2016 kur PD atëherë dhe gjithë opozita ka votuar me 140 vota komisionet e vetingut që janë sot” – tha Salianji.
Salianji i kujtoi Berishës se kur se një pjesë e anëtarëve te komisioneve te vetingut janë zgjedhur për rastësi nga një pjesë e deputetëve që sot janë në anën tjetër e bëjnë hipokrizi e inkoherencë.
“Mos harrojmë që një pjesë të deputetëve që sot për shkak te marrëdhënieve të përkeqësuara të ndërprera dhe për shkak të “non gratës” nuk duan të kemi marrëdhënie me partnerët ndërkombëtare kanë zgjedhur gjysmën e komisioneve të vetingut. Pra gjysma e anëtarëve të komisioneve të vetingut sot janë zgjedhur për rastësi nga një pjesë e deputetëve që sot janë në anën tjetër e bëjnë jo vetëm hipokrizi e inkoherencë jo që s’kanë interesin e PD e publikut por kanë interesin për të thënë element për të shpërqenduruar vëmendjen. Ne vendosim interesin e qytetarëve dhe marrëdhëniet me partnerët strategjikë të cilat nuk duhet të dëmtohen për asnjë moment” – tha Salianji.
Discussion about this post