Deputeti demokrat Enkelejd Alibeaj ka qenë gjithashtu në tryezën e organizuar nga OSBE, për votën e diasporës ku nuk nguroi të ironizonte Sekretarin e Përgjithshëm të PS, Damian Gjiknurin kur tha se PS do që kjo gjë të arrihet sa më parë.
Alibeaj hodhi akuza ndaj qeverisë se në këtë vend vota dhe vidhet dhe shantazhohet duke thënë se garancia për votën e diasporës është e brishtë.
“Ne për një arsye të thjeshtë, vota në këtë vend vidhet, shantazhohet, manipulohet, patronazhistët janë gjithmonë në sulm, shteti me ngarkesë të plotë për të shkatërruar të drejtën themelore të shqiptarëve. E kjo ndodh brenda vendit, mendo për ata që janë jashtë vendit se sa e brishtë është garancia që mund tu ofrohet atyre. Nëse do duhet të bëjmë ca ndryshime të mëdha si është koha dhe vendi tashmë për ti bërë për votën e diasporës, do duhet ta shohim realitetin në sy. Ky është realiteti me gjithë dozat e subjektivizmit që mund të kemi. Kjo ka qenë pengesa. Sa mirë në pjesëmarrje të shumë syve e veshëve seriozë që do duhet të jenë garantët që marrëveshja, dakordësia për një nga çështjet më të rëndësishme si është ligji zgjedhor të mund ta demonstrojë nesër. Qëndrimi ynë bazohet në tre pika kryesore: Po, diaspora duhet të votojë, madje duhet të votojë duke pasur të drejtën e përfaqësimit të tyre drejtpërdrejtë të identifikuar”, tha Alibeaj.
Discussion about this post