Gazment Bardhi, me cilësinë e kryetarit të Grupit Parlamentar të PD, kërkon debat në Kuvend lidhur me dekretet e Presidentit, Bajram Begaj për emërimin e ministrave të rinj.
Përmes një letre drejtuar kryetares së Kuvendit, Lindita Nikolla, Bardhi kërkon që deputetët të diskutojnë dhe të kenë në dispozicion nga 10 minuta për të diskutuar mbi shkarkimet dhe emërimet e reja në qeveri.
Po ashtu ai kërkon mbledhjen e Konferencës së Kryetarëve.
Seanca plenare pritet të nisë në orën 14:00, ndërsa pritet votimi i dekreteve të Presidentit për emërimin e ministrave të rinj.
Në seancën e sotme më herët u njoftua se nuk do të jetë prezent Lulzim Basha, i cili ndodhet në Këshillin e Europës, si dhe Enkelejd Alibeaj, i cili ndodhet në Itali për probleme familjare.
Discussion about this post