Seanca ku po diskutohet projekt-buxheti i vitit 2022 është shndërruar në një arenë debatesh mes kryeministrit Edi Rama dhe kryetarit të opozitës Lulzim Basha, të cilët kanë kanë replikuar me njëri tjetrin që në nisjen të punimeve.
Teksa nuk kanë munguar etiketimet, Basha kërkoi nga kryeministri që të votojë Vettingun në politikë, si zgjidhje për të larguar personat e korruptuar nga politika.
“Më thotë mua pse nuk shkon në Belgjikë. Por shko në SPAK. Lëri gënjeshtrat mos u fshih te dhoma e miellit. Vjen këtu dhe i kërkon deputetëve të tu të ngrenë dorën për të rritur edhe njëherë borxhin, të rrisësh taksat, pa u kthyer asgjë mbrapsht. Kjo është e vërteta dhe kësaj nuk i ikën dot. Një mendje perverse në mungesë të argumenteve ka vetëm një taktikë që e mësuam tetë vite, sa herë të ballafaqojmë me të vërtetë sillen dhe vërtitesh me të njëjta epitete. Përgjigjen për to e ke marrë përditë. Hallet e shqiptarëve janë shqetësimi ynë. Zgjidhja janë largimi i sojeve si ti. Voto Vettingun në politikë dhe kjo betejë do të shkojë deri në fund me forcën e arsyes politike. Kjo sallë kurrë më nuk do t’i takojë duarve të mpira për të shtuar taksat dhe vjedhur shqiptarët,” deklaroi Basha.
Discussion about this post