Votohet unanimisht gruaja e parë kryeministre në Suedi

Me vota unanime në kongresin e partisë në Goteborg, ekonomistja 54-vjeçare Magdalena Andersson do të jetë kryeministrja e parë femër në Suedi.

Pesë muaj pasi kryeministri i SAP Stefan Lofven dha dorëheqjen, pasi humbi votëbesimin e parlamentit, në krye të partisë erdhi Andersson.

Ajo pritet të bëhet kryeministrja e parë femër në historinë suedeze, me kusht që të marrë një votë në Parlament, data e të cilit ende nuk është caktuar.

“Kam rënë dakord të bëhem kryetar partie, sepse e di që mund të bëj më të mirën për Suedinë. Dhe sepse e di se jemi ne socialdemokratët që kemi zgjidhjet për problemet me të cilat përballet Suedia”, tha Andersson në një deklaratë.

SAP është formacioni më i madh politik në Suedi me 100 nga 349 vendet e parlamentit, por partia e dytë më e madhe e vendit, Moderatët liberal-konservatorë shpresojnë të qeverisin pasi janë afruar me demokratët populistë të krahut të djathtë të Suedisë.