Marsid Senia dhe Mentor Selmani, përkatësisht 26 dhe 28 vjeç, janë dënuar nga një Gjykatë në Britaninë e Madhe, me akuzën e vrasjes nga pakujdesia të një 22-vjeçari shqiptar.
Viktima Armend Xhika u qëllua me thikë, ngjarje e ndodhur në 13 maj 2021, pasi një sherri masiv që ndodhi, për shkak të një aksidenti automobilistik.
Sipas raportimit nga Policia e Yorkshire-it të Jugut, përleshja ishte paraprirë pas një përplasjeje në rrugë, e cila ndodhi më herët atë ditë, pasi një nga grupet fajësoi Armend Xhikën për aksidentin. Marsid Senia, 26 vjeç dhe Mentor Selmani, 29-vjeç u shpallën fajtorë për vrasje nga pakujdesia në lidhje me vdekjen e të riut.
Selmani u dënua me 20 vjet burg dhe Senia 13 vjet e katër muaj burg, pas gjykimit në Gjykatën e Sheffield Crown.
Duke përshkruar rolet e Selmanit dhe Senias, gjyqtari, Nicholas Hilliard, tha në seancë se megjithëse provat nuk zbuluan që ndonjëri prej tyre kishin qëlluar me thikë 22-vjeçarin, duke i shkaktuar plagët fatale, është e faktuar që ata ishin në vendin e ngjarjes dhe pjesë e grupit që ‘inkurajonte ‘ dhe ‘ndihmuan’ vrasësin.
Viktima mori një plagë të thellë 4 inç (10 cm) me thikë në gjoks, duke i çarë zemrën, si dhe katër plagë shtesë me thikë në qafë dhe në trup.
Gjithashtu dy nga miqtë e viktimës u goditën gjithashtu me thikë gjatë incidentit në Earl Marshall Road.
Selmani dhe Senia gjithashtu u dënuan në një gjyq të mëparshëm për sulme ndaj anëtarëve të tjerë të grupit në të njëjtën mbrëmje, tha policia.
Pas më shumë se dy vitesh pritje, familjes së Armend Xhikës më në fund iu dha drejtësi kur dy nga personat përgjegjës për vdekjen e tij të parakohshme morën dënimin me burg prej 33 vitesh e katër muajsh burg.
Duke dhënë dënimin, gjyqtari tha se ashpërsia e çështjes kërkon ‘dënime të rëndësishme’. Të dy të pandehurve iu tha se ata nuk mund të lënë qelitë pa kryer dy të tretat e dënimit të tyre dhe më pas do të dëbohen pas daljes nga burgu.
Discussion about this post