Vranë 41-vjeçarin në Sarandë për një vend parkimi, Gjykata jep vendimin për dy vëllezërit

Dy vëllezërit Xhoi Dhe Xhanelo Tarja janë lënë në burg pa afat nga Gjykata e Sarandës, për vrasjen e 41-vjeçarit Klodian Bakiaj.

Dy vëllezërit Tarja u arrestuan  dy ditë më parë për krimin e ndodhur për shkak të një parkimi ku u masakrua me thikë, 41-vjeçari Klodian Bakiaj nga Tepelena. Mbi të dy  vëllezërit Tarja rëndon akuza  “Vrasje me dashje në bashkëpunim” .

Sot në masën e sigurisë të rinjtë me lot në sy kanë kërkuar ndjesë për çfarë ka ndodhur. Ndërsa sipas avokatit Edison Ademi, autori i ngjarjes ka qenë 18 vjeçari Xhoi Tarja.

Pas goditjeve me grushte që viktima i ka dhënë 18 vjeçarit ky u fundit u largua për momentin për t’u rikthyer përsëri ku grindja vazhdonte me vëllanë tjetër Xhanelo Tarja.

Xhoi ka goditur me thikë 41 vjeçarin Klodian Bakiaj, duke i marrë jetën.

Ndërsa për Genci Ahmeti, administrator i hotelit ku punonin dy të rinjtë u mor si masë “Arrest  me burg” me afat 1 muaj me akuzën “Veprime që pengojnë zbulimin e së vërtetës”.