Dy shqiptarë janë dënuar me burgim të përjetshëm në Angli, pasi akuzohen për vrasjen e kundërshtarit të tyre gjatë një sherri bandash. 32-vjeçari Aranit Lleshi vdiq në vendngjarje në Bristol, pas një sherri të ndodhur më 24 maj të vitit të kaluar, për pronësinë e kanabisit me vlerë prej prej 95,000 paund në një shtëpi bari.
Radian Lika, 35 vjeç dhe Brikel Palaj, 33 vjeç u dënuan për vrasje pas një gjyqi shtatë javor në Gjykatën e Kurorës së Bristol.
Nga ana tjetër, edhe Nikola Palaj, i cili ishte bahskëpunëtor i Likës dhe Palajt, u dënua me pesë vite për vrasje nga pakujdesia.
Kanabisi po rritej në një shtëpi me qira afër skenës së vrasjes, në Bloomfield Road, Brislington.
Lleshi dhe vëllai i tij Sadik Lleshi, të dy nga Culvert Road, Tottenham, po përgatiteshin për të korrur kanabisin kur u sulmuan nga rivalët e tyre.
Pasi zbuluan pronën, Radian Lika dhe Brikel Palaj, shkuan me makinë në një market aty pranë dhe blenë katër thika kuzhine përpara se të ktheheshin.
Discussion about this post