Policia njoftoi sot se arrestoi Aldo Ibrahimin, 22 vjeç dhe Ylli Grabovarin 45 vjeç, si autorë të dyshuar të vrasjes së 32-vjeçares Luljeta Preza. Viktima u gjet poshtë Urës së Dajlanit, ndërsa sipas dëshmive të dhëna nga 3 vajza, njëra prej të cilave 15 vjeç, vrasja ka ndodhur pas një konflikti për 2 mijë lekë.
Dy autorët ia kanë kërkuar shumën 32 vjeçares për të blerë ushqime por ajo ka refuzuar.
Viktima u qëllua fillimisht me grushta, pastaj u godit me thikë në bark dhe gjoks, ndërsa humbi jetën si pasojë e hemoragjisë.
Autorët kanë dëshmuar në polici se ishin konfliktuar me 32 vjeçaren pasi ajo kishte refuzuar që tu jepte të gjithë paratë që mund të kishte bërë nga aktiviteti i saj seksual, pasi një pjesë i kishte shpenzuar në spital pasi e kishte përplasur një makinë.
“Prej muajsh ne njihemi me njëri tjetrin, konflikti ka nisur pasi nuk na ka dhënë paratë që kishte mbledhur që ti bënin bashkë me ato që mblidhnin ne duke lypur në rrugë”, kanë thënë ata.
Viktima është gjetur rreth 10:35 të paradites së të mërkurës, poshtë urës së Dajlanit, teksa ishte e zhveshur.
Në trupin e viktimës janë konstatuar shenja dhune, ndërsa kishte dhe plagë të rënda në gjoks dhe në bark të shkaktuar me thikë, për shkak të të cilave ka humbur jetën.
Luljeta Preza ushtron prej vitesh prostitucionin, teksa për këtë vepër penale është arrestuar dhe në vitin 2014.
Discussion about this post