Vranë me thikë 18-vjeçarin në Tiranë, lihen në burg të arrestuarit

Gjykata e Tiranës ka lënë në burg 4 të rinjtë, të akuzuar për vrasjen e 18-vjeçari Aureljo Dervishi në Shkozë, mbrëmjen e së dielës (31 mars).

4 të rinjtë akuzohen për vrasje në bashkëpunim, nuk kanë folur para gjykatës. Avokatët kanë kërkuar masë me afat 30 ditor deri në sqarimin se kush e ka qëlluar 18-vjeçarin, por kërkesa është rrëzuar.

Sipas avokatëve ngjarja nuk ka qenë e paramenduar, por një debat i çastit që ka përfunduar me vrasjen e të riut.

Gjatë dëshmisë që kanë dhënë në polici, ata kanë pretenduar se gjatë konfliktit viktima i ka qëlluar me levë.