Orët e paradites paraqiten me vranësira të dendura në zonat veriore ndërsa kthjellime dhe vranësira të lehta do të ketë në qendër dhe jug të territorit. Mesdita sjell shtim të vranësirave në të gjithë vendin, ku në zonat lindore do të ketë zhvillim të vranësirave konvektive duke gjeneruar rrebeshe afat-shkurtra shiu, herë pas here shirat do të shoqërohen me shkarkesa rrufesh.
Sipas MeteoAlb, temperaturat e ajrit rriten në mëngjes, gjithashtu edhe në mesditë duke luhatur vlerat ditore nga 13°C deri në 31°C.
Era do fryjë mesatare deri e fortë në det duke arritur shpejtësinë 50 km/h, nga drejtimi Veriperëndimor, kjo do të bëjë që në brigjet detare të gjenerohet dallgëzim mbi 4 ballë.
