Deputetja e Partisë Demokratike, Merita Bakiu, ka reaguar në lidhje me ngjarjen e rëndë që ndodhi këtë të martë Himarë. Përmes një postimi në faqen e facebook-ut të Partisë Demokratike, Bakiu dënon në emër të grupit parlamentar të PD-së mungesën e sigurisë në bregdetin shqiptar. Sipas saj, bazuar ligjit, kjo ngjarje është dëshmi e profilit të ulët të efektivëve që janë në poste drejtuese në Policinë e Shtetit. Ndërsa nuk ka ngurruar t’i quaj efektivët e policisë vrasës, në vend që të mbrojnë qytetarët.
“VRASËS! “Nëna 154” është emri i skafit që mori jetën e vajzës 5 vjeçare, prindërit e së cilës kishin zgjedhur Himarën për të pushuar këto ditë gushti. “Nëna 154” një skaf me dy motorë nga 300 kuaj fuqi secili, i denjë për të kaluar Adriatikun pa asnjë problem, i mori jetën sot të vogëlushes 5 vjeçare e cila ndodhej në breg duke luajtur.
Ky mjet, i cili mund të quhet vrasës nëse qarkullon pranë bregut jashtë kushteve teknike, po drejtohej nga një punonjës i policisë së shtetit i akuzuar për shpërdorim detyre dhe mbjellje të lëndëve narkotike. Ky punonjës i policisë, i cili duhej të kujdesej në fakt për jetën e 5 -vjeçares, sot u bë vrasësi i saj. Asnjë korridor për lundrim të mjeteve në plazhin e Potamit. Asnjë masë e marrë”, shkruan ajo. Më tutje, deputetja shprehet se, jeta këtu nuk ka më asnjë vlerë e për më tepër kur ta merr një polic i akuzuar për trafiqe.
Discussion about this post