Vrasësi famëkeq, Babis Anagnostopoulos ka dalë para togave të zeza duke nisur kështu zyrtarisht procesin gjyqësor ndaj tij për vrasjen e bashkëshortes 21-vjeçare, Caroline Crouch, ngjarje që tronditi shtetin fqinjë. Anagnostopoulos akuzohet për vrasje dhe për abuzim ndaj kafshëve, pasi fill pasi i mori jetën bashkëshortes, vari dhe qenin e shtëpisë. Prokurori i çështjes, duke përdorur gjithë provat e mbledhura, ka dhënë të gjitha detajet për ngjarjen.
“Pas sherrit të ashpër të çiftit, i akuzuari ka vendosur të vrasë gruan e tij, të cilën e mendonte prej kohësh. Pas përfundimit të pjesës së parë të “skenografisë” së shteteve në katin përdhes të shtëpisë, ai u ngjit në dhomën e gjumit dhe e vrau me jastëk. Ajo u përpoq ngushtë të reagonte, por kjo nuk ishte e mundur. Kjo tentativë e të akuzuarit për ta vrarë gruan e tij ka zgjatur pesë minuta dhe më në fund viktima ndërruar jetë rreth orës 4:11. Viktima ka pësuar stres të fortë fizik dhe mendor, pasi vdekja e saj nuk ka qenë e menjëhershme, por me ankth,”-tha prokurori gjatë seancës.
Babis Anagnostopulos u arrestua më shumë se një muaj pasi mbyti të shoqen në fillim të muajit maj, pasi u mundua ta fshihte krimin, duke sajuar një grabitje me protagonistë shqiptarë. 38-vjeçari pretendon vrau të shoqen pasi kjo e fundit i kishte kërkuar divorcin. Ndërkohë që me autorin në burg, u përfol edhe për bashkëpunëtorë por nuk u gjet asnjë provë. Nga ana tjetër familjarët e tij luftojnë për kujdestarinë e vajzës së mitur të çiftit, e cila aktualisht qëndron me prindërit e nënës së ndjerë.
Discussion about this post