Gjithmonë është problem kur një i burgosur arratiset nga qendra e vuajtjes së dënimit, lëre pastaj, kur një gjë të tillë e bën një që konsiderohet shumë i rrezikshëm.
Autoritetet në Pennsylvania, SHBA kanë ngritur alarmin pasi një vrasës 34-vjeçar i dënuar përjetësisht është arratisur nga qelia.
Braziliani Danelo Cavalcante u arratis nga burgu i Chester mëngjesin e djeshëm, një javë pasi kishte marrë dënimin me burgim të përjetshëm për vrasjen e ish-të dashurës së tij me thikë. Cavalcante është gjithashtu në kërkim për vrasje dhe në Brazil.
I burgosuri ishte parë herën e fundit duke ecur në qytezën e Pocopson Toënship rreth një orë pas arratisjes nga burgu. Zyrtarët paralajmëronin rezidentët të tregoheshin të kujdesshëm nëse hasnin të arratisurin teksa kërkimet vijonin me qen, dronë e helikopterë./SHQIP
Discussion about this post